КЪЫШ ИНГИРДЕ

Ашхам къарангы, арыгъан геммеш 
Кибик, акъырын киреди
Tay аузуна. Уучу уа, кийикни
Кётюрюб, элге келеди.

Юйлени башларын къар жабыбды,
Ожакъладан къара тютюн чыгъад...
Уучу, этни къазаннга салыр да,
Олтурур да къышхы отчагъада,

Уугъа къалай баргъаны юсюнден
Ол хапар айтыр сабийлерине.
Кертиден ётюрюгю кёб болур,
Алай жашчыгъы ол айтханланы
Барын да кече кёрюр тюшюнде...

1939