ЁРЛЕУ

Жашау ёрлеудю,
Таугъа ёрлеудю,
«Жолумдан артха бурулмам!» – деудю.
– Къыйынмыд?
Тутуп бир-бир къолундан,
Артха бурулмай,
Къоркъмай борандан,
Барырбыз ёрге,
Эрле баргъанлай,
Ёрлербиз алай,
Ёрлербиз алай!
Тау тёппелери турурла алда,
Бетлиликча, таза къар алада.
Жарыкъ кюн тиер, боран да урур,
Къоркъуу хорларгъа кюрешип турур.
Биз а, къарлы бугъейлени хорлай,
Ёрлербиз алай,
Ёрлербиз алай!
Жашау ёрлеудю,
Таугъа ёрлеудю,
«Къыйынлыкъгъа хорлатмабыз!» – деудю.
Чиммакъ таула бийиклери алда,
Къарла салкъыны энер аладан.
Къыйынлыкъ кюрешир бизни артха
Бурургъа, атарыкъма дей отха.
Алай биз а, болуша бир бирге,
Ёрлербиз ёрге,
Ёрлербиз ёрге!..
Жашау ёрлеудю,
«Хорларбыз!» – деудю.
Биз азат булутла бла бирге
Ёрлербиз ёрге,
Ёрлербиз ёрге!..

1955