ЖАРАЛЫ ТАШ

Печать
PDF

Таш да къыйынлыкъсыз къалалмагъанды
Тауда уруш окълары сызгъыргъанда:
Ол да, бизнича, жаралы болгъанды,
Окъ ызлары энтта туралла анда.

Жараны къой, кёп таш кюл болгъандыла,
Топла уруп, бомба тийип алагъа,
Кёп тенглерибизча, жоюлгъандыла,
Душманны аллын тыйгъанлай таулагъа.

Журтубузну жаралы ташы! Бизге
Тийгендиле бир душманны окълары,
Бирге къуллукъ этгенбиз жерибизге,
Тутабыз бир жараланы тапларын!

1958