СТИХОТВОРЕНИЕ

Къарадыла бушууну эки къолу:
Кюйген юйлени ичинде айланды,
Аны келген жолу кюл-кёмюр болуп,
Къанлы уруш тюзлеринде къыйналды.

Къолларын жууаргъа къоюгъуз анга,
Адамланы къырмай, боямай къаннга!

Къарадыла бушууну аякълары:
Кёмюр болгъан шахарлагъа киргенди.
Ауур жара тюшген солдатча, арып,
Ташла да кюйгенлерин ол кёргенди.

Аякъларын жуума къоюгъуз аны,
Оймайын, кюйдюрмейин шахарланы!

Къарадыла бушууну кийимлери:
Къара кийип жашлай жоюлгъанлагъа,
Кюйсюзлюк алагъа къара кюн берип,
Терслик ёлтюрюп, къурман болгъанлагъа.

Тешме къоюгъуз къара кийимлерин,
Бушуу арыгъанды ёлетден бери!..

1965